Këngëtari i famshëm italian me origjinë shqiptare, Ermal Meta, do të mbajë më 17 shtator një koncert në stadiumin “Air Albania” në Tiranë. Në një intervistë për Top Channel, artisti rrëfeu edhe detajet e koncertit.
Ç’mund të na thuash ndonjë detaj nga koncerti?
Të gjitha këngët që publiku I do të jenë të gjitha. Do jenë dy orë koncert që përfshin 25 këngë. Para koncertit do të jetë një hapje e shfaqjes me ElhaidaDanin. Po përgatis edhe një surprizë të vogël, por është më mirë mos ta them që tani.
Jemi në 30 vjetorin e eksodit, që në të shumtën e herës është pasuar me histori suksesi, një ndër to patjetër jeni dhe ju..
Shqipëria për fat të keq ka pasur vuajtje jashtëzakonisht të mëdha por para 30 vitesh shqiptarët ngritën kokën dhe thanë mjaft. Fillimi ynë para 30 vitesh ka qenë shumë I vështirë, por besoj se shqiptarët ja dolën mbanë. Besoj se jemi ende larg nga realizimi I plotë si shtet, por kemi bërë shumë rrugë në këto 30 vjet dhe unë e ndiej veten shumë krenar.
Koncerti është falas, mjafton vetëm të regjistrohesh në webside për të prenotuar vendin, është gjë shumë e thjeshtë, kështu që për pak minuta mund të prenotoni vendin tuaj.
