Një ngjarje e rëndë raportohet të ketë ndodhur në Maliq, ku është përfshirë nga zjarri një automjet.
Burime policore bëjnë me dije se ngjarja ka ndodhur rreth orës 07:20, në fshatin Vloçisht, ndërsa automjeti ka marrë flakë, kur sapo ishte furnizuar me gas në një karburant.
Mësohet se nga kanë pësuar djegie, drejtuesi dhe pasagjeri të cilët u dërguan për mjekim në Spitalin e Korçës.
Ndërsa, në vendin e ngjarjes kanë mbërritur forcat zjarrfikëse dhe kanë bërë të mundur fikjen e flakëve.
Njoftimi i policisë:
Më datë 01.09.2021, rreth orës 07:20, në fshatin Vloçisht, Maliq, ka rënë zjarr në një automjet në ecje, i cili sapo ishte furnizuar me lëndë djegëse (gas) në një karburant në afërsi të këtij fshati.
Për pasojë kanë pësuar djegie, drejtuesi dhe pasagjeri të cilët u dërguan për mjekim në Spitalin e Korçës.
Shërbimet e zjarrfikëses, kanë bërë të mundur fikjen e zjarrit. Grupi hetimor po punon për zbardhjen e rrethanave të ngjarjes.
