Ish-deputeti Dashamir Shehi, kryetar i LZHK-së, shprehet se liria e medias në Shqipëri është me keq se 70 vjet më përpara.
I ftuar në studion e MCN TV, Shehi tha se me Edi Ramën, çështja e lirisë së mediave ka pësuar përkeqësim të madh.
Duke marrë shkas nga çështja Beccheetti që është më e diskutuara e ditëve të fundit, Shehi tha se mbyllja e televizionit Agon Channel ishte për t’i dhënë një mesazh të tjerëve.
“Unë gjykoj që me Ramën çështja e lirisë së mediave ka pësuar përkeqësim të madh dhe ne e kuptojmë shumë mirë. Mbyllja e Agon Channal ishte për t’i dhënë një mesazh të tjerëve. Në përgjithësi po të shohim linjën editoriale gjykoj që jemi prapa nga sa ishim 70 vjet përpara”, tha Shehi.
