Partitë kryesore të opozitës, PD dhe LSI janë shfaqur sot bashkë në qytetin e Shkodrës. Ditën e sotme, kryetarja e LSI ishte në Shkodër për prezantimin e kandidataëve.
Monika Kryemadhi është takuar dhe me kryesuesin e listës së qarkut të Shkodrës për Partinë Demokratike, Helidon Bushati.
Kryemadhi dhe Bushati kanë biseduar në lidhje me situatën në qarkun e Shkodrës dhe pritshmëritë e opozitës së bashkuar për të marrë 8 mandate, dy nga të cilat LSI.
Ndërkohë që na ndajnë 29 ditë nga zgjedhjet e 25 prillit, koalicioni opozitar duket i bashkërenduar në arritjen e objektivit të përbashkët.
Më herët Kryemadhi duke iu referuar kryebashkiakes së PD-së Voltana Ademi, u shpreh se qytetarët shkodranë janë me fat që nuk kanë një “rilindas” në krye.
