Një 40 vjeçar u ekzekutua mëngjesin e sotëm me armë zjarri në Durrës. Viktima është identifikuar si Edmond Koçi, ndërsa njihej si Mond Çekiçi.
Ai njihej si anëtar i të ashtëquajturës bandës së Durrësit, ndërkohë që ishte arrestuar në vitin 2020.
Personi në fjalë ka precedentë penalë, pasi rezulton i dënuar disa herë.
Rreth 1 vit më parë Mond Çekiçi u arrestua nga policia për armëmbajtje pa leje.
“Në vijim të kontrolleve, nga specialistët për Hetimin e Krimeve ndaj Personit dhe Pasurisë u arrestua në flagrancë shtetasi E. K., 42, banues në Durrës, pasi gjatë kontrollit fizik të ushtruar ndaj këtij shtetasi, në çantën e dorës, iu gjet dhe sekuestrua në cilësinë e provës materiale një armë zjarri pistoletë “Luger”” njoftote policia.
“Mond Çekiçi”, konsiderohej nga policia e Durrësit si person me rrezikshmëri, pasi jo vetëm që është pjesë përbërëse e një klani kriminal në Durrës, por ai rezulton të jetë dënuar disa herë për akuzën e mbajtjes pa lejë të armëve dhe kundërshtimit të forcave të policisë.
Në muajin Maj 2009 Edmond Koçi, është dënuar me 2 vite burgim për akuzën e “Mbajtjes pa lejë të armëve”.
