Detaje të reja janë zbuluar nga ekzekutimi i 27 vjeçarit shqiptar Santino Xhyra, ngjarje e ndodhur ditën e djeshme në Bari të Italisë.
Mediat italiane raportojnë se autori i krimit është po shqiptar, 39-vjeçari i identifikuar si Shaban Fejza.
Dyshohet se ngjarja ka ndodhur pas një debati për banesën, në të cilën jetonte Xhyra me një tjetër person, shkruajnë mediat italiane.
Ata nuk kishin paguar qiranë për një kohë të gjatë dhe pronari kishte kërkuar ndërhyrjen e Fejzës, i cili i kishte garantuar se dy personat do të kryenin pagesën.
Fillimisht patën një debat verbal që më pas u përshkallëzua me një shuplakë dhe viktima iu përgjigj me grusht, i cili ndezi edhe gjakrat.
Pas u godit me grusht, 39-vjeçari doli për të marrë armën dhe kur u kthye, hapi derën dhe qëlloi tre herë Xhyrën nga një distancë e afërt.
Plumbat e prekën në gjoks dhe në bark dhe 27 vjeçari ndërroi jetë rrugës për në spital.
