Eglantina Gjermeni, ish-deputete dhe ish-ministre, nuk do të kandidojë më në listat e Partisë Socialiste për zgjedhjet e 25 prillit.
Kjo është konfirmuar edhe nga Kryeministri Edi Rama, i cili në orët e mbrëmjes pritet të zyrtarizojë listën përfundimtare të kandidatëve për deputet.
“Mirënjohje gjithmonë në këtë Ditë të Gruas, dy bashkëpunëtoreve simbol të promovimit të legjislacionit mbi barazinë gjinore, të drejtat e grave, fëmijëve, minoriteteve dhe kundër dhunës ndaj gruas; dy aktivisteve shembullore të Shoqërisë Civile, që sollën në PS vlera e kontribute të reja dhe për 12 vjet rresht e përfaqësuan PS me dinjitet e profesionalizëm, në Kuvend e në Qeveri, Vasilika Hysi dhe Eglantina Gjermeni”, thekson Rama.
Gjatë ditëve të fundit janë raportuar se disa nga deputetët aktualë të PS nuk do të kandidojnë në zgjedhjet e 25 prillit. Kështu mes emrave të deklaruar deri mv tani janë edhe Sadri Abazi, Adnor Shameti, Sadri Vorpsi, Sadri Baraj, Almira Xhebulla, Ardiana Jaku, ndërsa mbeten ende në pikëpyetje për t´u kandiduar ose jo Ditmir Bushati, Senida Mesi, Luan Harusha, Musa Ulqini dhe Anastas Angjeli.
