Mbi 4200 persona janë infektuar me Covid-19 në 5 ditët e para të muajit mars, referuar deklarimeve zyrtare nga Ministria e Shëndetësisë, e cila krahasuar me shkurtin ka ulur numrin e testimeve, çka ka çuar edhe në një reduktim të rasteve të reja të deklaruara.
E ndërkohë numri i pacientëve që kanë humbur jetën në spitalet Covid në ditët e para të marsit është 99, ku pacientja më e re ishte një 27 vjeçare nga Berati.
Numrat e fataliteteve janë mes 19-21 viktima në 24 orë mjaft të larta.
Edhe spitalet janë mbushur, jo vetëm në Tiranë, por edhe në rrethe. Megjithatë pavarësisht kësaj masat anti-covid nuk ndryshuan.
5 ditët e para të marsit
1 mars- 2714 testime, 764 raste të reja dhe 20 humbje jete
2 mars- 3369 testime, 892 raste të reja dhe 19 humbje jete
3 mars-3369 testime, 892 raste të reja dhe 19 humbje jete
4 mars-3149 testime, 851 raste të reja dhe 21 humbje jete
5 mars-3268 testime, 847 raste të reja dhe 20 humbje jete
