Nënkryetari i LSI-së, Petrit Vasili, u shpreh sot se opozita, pas fitores së 25 prillit, do të anulojë Ligjin për Vettingun në Polici.
Vasili tha se ligji i Vettingut u shndërrua në mjet shantazhi për policin e thjeshtë.
“Vettingu u shndërrua në alibi për krerët e inkriminuar të Policisë së Shtetit”, tha Vasili.
Kjo është deklarata e parë zyrtare nga opozita, e cila paralajmëron anullimin e ligjit të Vetting në polici, në rast se fiton zgjedhjet. Më parë opozita kishte shprehur kritika lidhur me mënyrën se si po kryhej ky proces dhe procedurat e ndjekura.
