Vrau kunatin në natën e ndërrimit të viteve, megjithëse ishin mbledhur për të festuar Vitin e Ri.
Autori i krimit Klajdi Shundi, 34 vjeç, u arrestua nga policia pak orë pas krimit, ndërsa ishte në gjendje të dehur.
Krimi ndodhi në një banesë në lagjen ‘5 Maji’ në Tiranë.
Klajdi Shundi ka qëlluar me thikë në qafë kunatin e tij, Vladimir Zvezhda, 42 vjeç, i cili humbi jetën në spital.
Zhvezhda bashkë me me gruan kishin shkuar për të festuar natën e ndërrimit të viteve në shtëpinë e autorit.
Por pasi janë zënë brenda shtëpisë, ata kishin dalë të dy jashtë në hyrje të pallatit, për tu sqaruar, por aty 42-vjeçari është qëlluar për vdekje me thikë në qafë.