“Pavarësisht se këtë vit Vllaznia është kalaja e pamposhtur e Rozafës, por kampion del Kukësi”, kjo deklaratë e deputetit të Partisë Socialiste, Taulant Balla, ngjalli reagime të shumta te sportdashësit shqiptarë.
Ndërkohë në Shkodër, mbështetësit e kuqebluve që këtë sezon futbollistik po shijojnë ditë të mira falë performancës së jashtëzakonshme të ekipit të tyre, kanë nisur replikat me deputetin socialist.
Është trajneri i portierëve të Vllaznisë, Ideal Lekiqi që ka reaguar në rrjetet sociale. Ai ironizon Ballën duke shkruar:
“Pse del kampion Kukësi mor bukurosh? Apo harrova se Librazhdi me Kukësin kanë pas marrëdhënie të mira gjithmonë. Apo o burra të fus hundët edhe nga futbolli pak”.
Kujtojmë që skuadra e Vllaznisë gjendet në vendin e parë të Superiores me 25 pikë, i ndjekur nga Partizani me 6 pikë më pak. /newsport.al
