Sot luhen ndeshjet e fundit të fazës së parë të Superiores. Ekipet kishin mundësinë të rikuperonin energjitë, pasi nuk kishte ndeshje në mesjavë, dhe të bëhen gati për dy javë mjaft të ngarkuara.
Brenda 11 ditësh ekipet e Superiores do të zhvillojë 4 ndeshje, duke nisur nga sot.
Java e nëntë ka në program 4 përballje në orën 13:45 dhe spikat Laçi-Vllaznia. Kurbinasit, që e kanë nisur keq kampionatin, përballen me kryesuesit dhe duan tre pikët, që mund të ndryshojnë edhe kreun.
Kukësi i vendit të dytë luan në transfertë me Kastriotin, një duel delikat. Kurse në Korçë Skënderbeu e Tirana tentojnë të marrin maksimumin në përballjen mes tyre.
Sfidë tjetër që luhet në drekë është Apolonia-Teuta, ndërsa gjithçka përmbyllet në Elbasan me duelin Partizani-Bylisi, prej orës 16:45.
