Kryeministri Edi Rama ka bojkotuar sot seancën plenare, atje ku Vjosa Osmani, Presidente në detyrë e Kosovës, dhe Kryeparlamentare, mbajti një fjalim.
Kjo është hera e parë që një Kryeministër bojkoton seanca të tilla plenare, duke qenë në Shqipëri, pra jo në udhëtime jashtë vendit.
Gjithsesi Rama ka zgjedhur të mos jetë në sallën e Parlamentit. Ndoshta kjo ka lidhje pikërisht me atë se Osmani ka kritikuar hapur jo vetëm idenë për shkëmbim territoresh mes Kosovës dhe Serbisë, por edhe Minishengenin Ballkanik.
Edi paloka, nënkryetar i PD-së, përmes një postimi në rrjet shkruan se Rama bojkoton Presidenten e Kosovës, ndërsa përqafohet me Vuçiç.
