Ylli Manjani, ish-ministër i Drejtësisë, përmes një komenti në rrjetet sociale, shprehet se opozita duhet të përgatisë vendin dhe njerëzit për zgjedhje, pasi kjo është një kohë e artë, ndaj dhe nuk duhet të jetë në rrugë.
“O zot sa punë ka për të bërë! Që nga listat e zgjedhësve e deri tek siguria e votës. Janë të gjitha të cënueshme nga pushteti monist.
Ndaj nuk e dua opozitën në rrugë, por në terren.
Jo vetëm në Facebook, as si tregues në sondazh, por në terren me njerëzit. Ky i fundit, pra terreni, nuk është gjithmonë ashtu si duket. Ashtu si mendohet, jo e jo…”, shkruan Manjani.
Sipas tij, me deklarata, rrjete sociale, media e operacione imazhi, monizmi nuk mundet por e ka jetën e gjatë. Aq më pak me deklarata ambasadash.
Postimi nga Ylli Manjani
Personalisht nuk do ta desha opozitën në rrugë. Jo se ska arsye, por se nuk ka më kohë!
Kjo është kohë e artë për t’u përgatitur vendin dhe njerëzit për zgjedhje.
O zot sa punë ka për të bërë! Që nga listat e zgjedhësve e deri tek siguria e votës. Janë të gjitha të cënueshme nga pushteti monist.
Ndaj nuk e dua opozitën në rrugë, por në terren.
Jo vetëm në Facebook, as si tregues në sondazh, por në terren me njerëzit. Ky i fundit, pra terreni, nuk është gjithmonë ashtu si duket. Ashtu si mendohet, jo e jo…
Misioni opozitar këtë radhë është më i thjeshti se e asnjë opozite të mëparshme.
Të ftojë e të bindë njerëzit të votojnë.Të votojnë masivisht.
Votimi masiv është e vetmja mënyrë që ja merr frymën pushtetit azmatik.
Vota këtë radhë është maxhoritare e pastër. Pra duhen emra që votohen dhe jo emra për listë. Ky është sistemi i ri zgjedhor që është në fuqi.
Prandaj ka rëndësi terreni.
Me deklarata, rrjete sociale, media e operacione imazhi, monizmi nuk mundet por e ka jetën e gjatë. Aq më pak me deklarata ambasadash…
Ndaj opozitën do desha ta shoh në terren, të organizuar dhe në veprim të përditshëm me njerëzit.
