Mediat ndërkombëtare i kanë kushtuar vëmendje dorëheqjes së Sandër Lleshajt nga posti i ministrit të Brendshëm.
“Ministri shqiptar i Brendshëm, Sandër Lleshaj, dha dorëheqjen pas protestave të provokuara nga vrasja e një të riu nga një patrullë policie në Tiranë më 8 Dhjetor, i cili kishte shkelur shtetrrethimin e natës në fuqi për të luftuar pandemia Covid”, shkruan agjencia italiane e lajmeve “Ansa”.
ANSA i kushton vëmendje protestave qytetare, ndërsa shkruan “ndërsa kryeministri po i fliste kombit, në Tiranë ndodhi një demonstratë e re e dhunshme e qindra të rinjve që u përleshën me forcat speciale të policisë”.
Dorëheqja është pasqyruar edhe në rrjetin evropian televiziv, EuroNews.
“Ministri i Brendshëm i Shqipërisë dha dorëheqjen të enjten për vrasjen nga ana e një oficeri policie të një të riu që shkeli shtetrrethimin, një incident që shkaktoi protesta të dhunshme të mërkurën”, shkruan rrjeti prestigjioz Reuters.
“Një valë zemërimi shpërtheu në Shqipëri pas vrasjes me gjak të ftohtë të 25-vjeçarit Klodian Rasha nga policia”, shkruan gazeta greke “Ta Nea”.
