Ish-ministri i Drejtësisë, Ylli Manjani, ka reaguar ndaj një thirrjeje që Presidenti Ilir Meta i drejtoi dje të rinjve për t´u sjellë si ata të para 70 viteve.
Manjani në reagimin e tij shprehet se uron që kjo të mos ndodhë, pasi ata që luftuan atëherë, sollën në pushtet Enverin dhe kjo ditë kur mos ardhtë.
“Respekt për cilindo që dha jetën për Shqipërinë, por për nder, jo për ata që mbi Shqipërinë vunë partinë! Rinia e sotme do bëjë mirë të arsimohet si fillim. Kjo është lufta e vetme që ata duhet ta fitojnë”, shkruan Manjani.
Postimi nga Ylli Manjani
Presidenti i Republikës fton të rinjtë e sotëm të sillen si të rinjtë e para 70 viteve. Sinqerisht lutem që kjo të mos ndodhë.
Ata atëhere luftuan dhe sollën në pushtet Enverin. Të keqen e pushtetit madje! Kurrë mos ardhtë ajo ditë!
Respekt për cilindo që dha jetën për Shqipërinë, por për nder, jo për ata që mbi Shqipërinë vunë partinë!
Rinia e sotme do bëjë mirë të arsimohet si fillim. Kjo është lufta e vetme që ata duhet ta fitojnë.
