Një aksident tragjik i ka marrë jetën një gruaje shqiptare, banuese në Fermo, në bregun e Adriatikut. Gruaja 61-vjeçare u godit nga një makinë, e cila nuk ndaloi dhe u largua me shpejtësi nga vendngjarja.
Mbërritja e ndihmës së shpejtë vlejti vetëm për të konfirmuar vdekjen e gruas dhe transportimin e trupit të saj në morgun e qytetit.
Ndërkaq karabinierët e Fermos kanë nisur hetimet për të zbuluar personin që shkaktoi aksidentin dhe u largua nga vendngjarja, ku janë gjetur edhe disa copëza të makinës, të shkëputura nga përplasja.
