Ministri i Brendshëm, Sandër Lleshaj, nga Vlora ku ishte për një analizë të punës së policisë paralajmëroi një aksion në të gjithë vendin kundër krimit.
“Jam në Vlorë për një analizë pune. Goditja kundër kanabisit apo veprimtarive kriminale dhe pasurive të vëna nga krimi në fokus. Shumë shpejt do të fillojë një aksion në të gjithë vendin.
Goditja ndaj kultivimit dhe pasurive të vëna nga krimi. Ndryshimet në polici bëhen për shkak të performancës së gjithsecilit. Puna matet për gjithsecilin. Masa do të merren në vijimësi ndaj atyre që nuk kanë performancë në punë”, tha ai.
Nuk dihet pse ministri i Brendshëm duhet të paralajmërojë nisjen e aksioneve policore, kur fare mirë policia ka për detyrë të luftojë krimin dhe pasuritë e rij çdo ditë. Duket se Lleshaj sot paralajmëroi show-n e rradhës, të ngjashëm me atë të OFL, e cila pavarësisht njoftimeve që jepen çdo ditë mbi dërgime formularësh te persona të dënuar, ka rezultuar deri më sot një flluskë sapuni.
Duke u ndalur te personat e zhdukur në Vlorë, i fundit në tetor të këtij viti ende pa asnjë gjurmë, Lleshaj tha “ka raste në Vlorë dhe gjithë Shqipërinë. Nuk janë të dhënat tona që janë 22 të zhdukur nga viti 2016 në Vlorë. Nuk na rezulton reale”.
