Në vitin 2000, kur Fatos Nano dhe Ilir Meta kishin përplasje mes tyre në Partinë Socialiste, u shfaq një militante socialiste nga Berati që i lutej dy drejtuesve të PS të asaj kohe, që të mos ziheshin. Gruaja në atë kohë tha se nuk donte as bukë, as ujë, as drita, vetëm që Nano dhe Meta të pajtoheshin.
Sot pas 25 vjetësh, sërisht u shfaq një socialist, jo në Berat, por në Kavajë.
Gjatë inspektimit të procesit të rindërtimit në këtë zonë, Rama ndoshta ëshët ndjerë mirë, jo nga ecuria e punimeve, por sepse takoi një rilindas të thekur.
“Edhe sikur të mos hyjmë brenda nuk të tradhtoj asnjëherë”, i tha qytetari, Ramës, i cili i premtoi se për Vitin e Ri do të hynte në shtëpinë e re.
Ndoshta Kryeministri mund të ndjehej edhe më mirë sikur të dëgjonte sa më shumë njerëz që ti drejtoheshin me të njëjtat fjalë si ai në Kavajë.
