Kavajë/ Shisnin hashash dhe kokainë në shkolla, arrestohen 9 persona, 3 të tjerë në kërkim (EMRAT)

Policia e Durrësit ka goditur një aktivitet kriminal të shpërndarjes së lëndëve narkotike pranë shkollave në qytetin e Kavajës.

Si rezultat i operacionit janë arrestuar 9 persona, ndërsa 3 të tjerë janë shpallur në kërkim.

Sipas Policisë, hetimet kanë zgjatur disa muaj dhe janë kryer me metoda speciale, pas informacioneve të siguruara në rrugë operative për një grup personash që dyshohet se ushtronin aktivitetin e paligjshëm të shitjes së drogës pranë institucioneve arsimore në Kavajë.

Në kuadër të operacionit u ekzekutua masa e sigurisë “Arrest në burg” për shtetasit:

1. Ledio Lemeti
2. Sokol Belegu
3. Jovan Murja
4. Ermir Çela
5. Erjon Hoxhai
6. Julian Dollia
7. Mesut Maloku
8. Aldo Ahmeti
9. Ejub Vrapi

Të arrestuarit janë të moshës nga 20 deri në 48 vjeç dhe banues në Kavajë. Ndërkohë, policia vijon punën për kapjen e tre personave të tjerë të përfshirë në këtë rrjet kriminal.

Gjatë operacionit janë sekuestruar sasi të dyshuara të lëndëve narkotike Kokainë dhe Cannabis Sativa, të ndara në doza gati për shitje, si dhe disa telefona celularë që dyshohet se përdoreshin për aktivitetin kriminal.