Gazetari Ilir Kadia ka reaguar për postin që ka marrë së fundmi fjali i tij, Besart Kadia, si zv.ministër i Financave në qeverinë Rama.
Ilir Kadia, një prej ish-këshilltarëve të ish-kryeministri Sali Berisha në një postim në rrjetet sociale u është drejtuar me një mesazh të gjithë kritikëve për vendimin e djalit të tij.
Ai shkruan mes të tjerash se të gjithë kanë të drejtën e tyre të shprehen kundër këtij vendimi, por nuk mund ta shoqërojnë mendimin me fjalë fyese.
“Shumë miq Facebook-u mbajnë qëndrim kundër pranimit të detyrës së zëvëndës ministrit të financave në qeverinë Rama nga im bir!Janë në të drejtën e tyre! Mirëpo kur këtë qëndrim e shoqërojnë me fjalë fyese dhe të pavërteta të tjera atëhere nuk mund të jenë miq me mua! Kaq e thjeshtë është! Shëndet të kenë”, shkruan ai.
Ky reagim i Ilir Kadias vjen pasi lajmi i emërimit të Besartit në qeverinë Rama solli një lumë komentesh në rrjetet sociale, duke kundërshtuar vendimin e ekonomistit, i cili ka qenë pjesë e Këshillit Kombëtar të PD, njëherësh këshilltari i Lulzim Bashës.
