Ylli Manjani, ish-ministër i Drejtësisë, ka reaguar lidhur me videon e publikuar nga Kryeministri Edi Rama nga spitali Infektiv.
Manjani i është drejtuar mjekëve me një apel të fortë, ndërsa u kërkon të lenë propogandën. Në videon e publikuar nga Rama, flet Najada Çomo, shefja e Infektivit, e cila thotë se në spitalin Covid1 ka shtretër të lirë dhe shërbimi që u ofrohet pacientëve është në parametra të lartë.
Por në reagimin e tij, Manjani shkruan “se sa shtretër ka e ç’sistem shëndetësor kemi e shohin të gjithë. Ska nevojë as për rreklamë e as për më shumë nxirje…”
“Flet puna vetë. Flasin farmacistët që janë sot më të kërkuarit… Flasin shpenzimet marramendëse të atyre që u bie halli të shërbehen nga sistemi i mrekullueshëm shëndetësor.
Po, të njoftosh shtretër të lirë bash në ditën kur dikush hidhet nga ballkoni i spitalit, kjo është e papranueshme!
As etike e as profesionale!”, shkruan Manjani.
Postimi nga Ylli Manjani
Po mjaft, mo mjaft!
Duhet të ketë kufi kjo gjë!
Çfarë po thoni, meqë u hodh njëri nga ballkoni u lirua shtrat në spital?!!
———-‐—
Të nderuar mjekë!
Ju të paktën zyrtarisht nuk jeni në fushatë elektorale. Faleminderit që shërbeni me sa mundeni këto kohë të vështira. U jemi pafund mirnjohës vërtetë!
Por ju lutem lëreni propagandën në videot e kandidatëve politikë.(EDi Rama është tashmë një kandidat). Lerini ata të kandidojnë me njëri-tjetrin.
Se sa shtretër ka e ç’sistem shëndetësor kemi e shohin të gjithë. Ska nevojë as për rreklamë e as për më shumë nxirje… Flet puna vetë. Flasin farmacistët që janë sot më të kërkuarit… Flasin shpenzimet marramendëse të atyre që u bie halli të shërbehen nga sistemi i mrekullueshëm shëndetësor.
Po, të njoftosh shtretër të lirë bash në ditën kur dikush hidhet nga ballkoni i spitalit, kjo është e papranueshme!
As etike e as profesionale!
