Gjykimi i ish-drejtuesve të UÇK-së, Hashim Thaçi e Jakup Krasniqi, në Dhomat e Specializuara të Hagës, ka përplasur analistin nga Kosova Ismail Tasholli dhe Andi Bushatin në studion e emisionit Open.
Tasholli theksoi se aktakuza është politike, e iniciuar sipas tij nga Serbia dhe Rusia. Ndërsa, Bushati tha se nuk ka ndikim serb apo rus, por e gjitha sipas tij është një aktakuzë që duhet gjykuar.
Bushati tha se problemi në gjithë këtë situatë, është nëse do të ketë një gjykatë të drejtë që do t’i gjykojë apo jo.
Sipas tij, duhet hequr dorë nga teoritë konspirative, se kemi të bëjmë me një kult që po lufton Kosovën, ndërsa shtroi dy pyetje: “A ka pasur krime të pandëshkuara ën Kosovë, a duhet dhënë një përgjigje për këtë? A janë këta njerëz që kanë bërë këto krime?”
“Thelbi është qëndron apo jo akuza sepse u bënë 2-3 javë me debatin pak a shuam folklorikë, ‘a po prishet imazhi i luftës’,’ janë ca forca kulte që po luftojnë Ksovën’, etj. Për mua kjo është e thjeshtë,e rëndë, pro e thjeshtë, problemi është a do kemi një gjykatë që do i gjykojë në mënyrë të drejtë apo jo? Po të mendosh që kemi të bëjmë me konspiracion, që po e bën Serbia me Rusinë, që kanë rekrutuar edhe SHBA e Britani, do shkonim shumë larg. Debati duhet zhveshur nga konspiracionizmi. A ka pasur krime të pandëshkuara në Kosovë, a duhet dhënë nj përgjigje për këtë? A janë këta njerëz që kanë bërë këto krime? Ndoshta po, ndoshta jo, por këto duhen diskutuar”, tha Bushati.
Debati
Ismail Tasholli: E para Dik Marti nuk është konspiracion, është fakt. Dick Marty është pikënisja. Nëse është drejtësi që funksionon me të drejta universale. Është një gjyq paksa politik, ju e keni provuar në lëkurën tuaj.
Andi Bushati: BE mbani mend edhe kur u arrestua për arsye krejt të tjera shefi i FMN-së u bë kjo diskutim.
Ismail Tasholli: Kjo është çështje tjetër. Kjo që pamë sot, fillon me shtëpinë e verdhë dhe përfundon me një president të lidhur. Jakup Krasniqi ka qenë një arsimtar dhe ka vuajtur burg. Po të them që në vitin 1981 ai del para gjyqit atje, ndërsa sot në vitin 2020 po të njëjtat. Ju nuk e dini gjuhën serbe dhe nuk e dini si janë hartuar ato akuza. Ata janë grumbulluar për 20 vite. Edhe përmjet gjuhës si fakt e shikon që është gjuhë e dyzuar. Jakup Krasniqin nuk ka bërë asnjë krim ndaj Serbisë. Të trajtohet një njeri si ai kriminel, që nuk ka kapur kurrë armë me dorë, kjo është absurde.
