Humb jetën 77-vjeçari nga Shkoza, i cili pasditen e kësaj të hëne u vetëhodh nga ballkoni i banesës së tij.
Viktima e 4 që merr aktin ekstrem të vetëvrasjes pas konfirmimit me covid-19. Hekuran Korça është hedhur nga ballkoni i shtëpisë në katin e tretë të pallatit ku jetonte në Shkozë. Ai kishte kaluar disa ditë nën ndihmën mjekësore tek Infektivi pasi rezultonte pozitiv me Covid, dhe dy ditë më parë nga tamponi kishte dalë i negativ.
Është kthyer në banesë dhe një ditë më pas, konkretisht ditën e Hënë rreth orës 16:00 është vetëhedhur nga kati i 3-të i një pallati në Shkozë.
Ai është dërguar me shenja jete në Spitalin e Traumës, por që ka ndërruar jetë po aty pa mundur të jetonte për shkak të rënies nga lartësia.
Në kartelën e tij mjekësore rezulton të ketë qenë i infektuar me Covid, sëmundje të cilën e kishte mposhtur.
