Kadastra e Korçës do të qëndrojë e mbyllur deri në datë 25 Tetor, pasi 6 punonjës rezultuan të infektuar me Covid-19 duke e çuar në 8 numrin në total të të infektuarve brenda këtij institucioni.
Dy punonjëset e para që rezultuan pozitive u identifikuan në datën 15 Tetor, raporton abcnews.
Drejtoria vendore e institutit të shëndetit publik në zbatim të masave për parandalimin e Covid 19 ka kërkuar mbylljen e këtij institucioni, ndërkohë që drejtoresha e ASHK-së, Besa Spaho, ka mbështetur kërkesën.
Mëngjesin e sotëm pritet të bëhet dhe dezinfektimi i ambienteve. Po ashtu u është marrë tamponi gjithë punonjësve të katit të parë, ndërkohë që gjithë personeli do të vendoset në vetëkarantinim deri ditën e hënë, atëherë kur pritet të nisë shërbimi për qytetarët.
