Një 30-vjeçar me origjinë shqiptare është arrestuar nga policia italiane pasi akuzohet për trafik kokaine.
Shqiptarit i janë gjetur 14 doza kokainë në makinë dhe rreth gjysmë kilogram në banesë.
Operacioni për arrestimin e shqiptarit u zhvillua mëngjesin e kësaj të mërkure në Breshia, por hetimet kishin nisur disa ditë më parë dhe shqiptari është mbajtur në vëzhgim.
I riu është pikasur për herë të parë në 2 tetor, ku agjentët e panë atë teksa dorëzoi drogën tek klientët e tij dhe mori paratë.
Pas disa ditë vëzhgimesh, agjentët ndërhynë dhe e arrestuan teksa ai ishte duke lëvizur me makinë.
Në përfundim të operacionit, atij iu sekuestrua më shumë se gjysmë kilogram drogë, 100 mijë Euro, dy peshore dhe 2 telefona në cilësinë e provës materiale.
