Edhe sot në ditën e 12 të grevës për naftëtarët e Ballshit, ende nuk ka asnjë zgjidhje për 20 pagat e prapambetura dhe rifillimin e punës në Rafineri.
Për gazetarin e ekonomisë, Klodian Tomorri, edhe pse kryeministri e tha vetë se është shumë i sensibilizuar me çështjen, sipas tij, ai ka qenë disa herë garant i kompanisë Armo, por pa sukses.
Në studion e lajmeve në TvT, Tomorri, u shpreh shumë skeptik për zgjidhjen e kësaj çështje, dhe se përgjegjës për këtë, është vetë kryeministri.
“Fakt është që kryeministri si garant nuk jep shpresa per zgjidhjen e problemit, Çdo herë që Armo është vënë në punë, ka qenë kryeministri garant, edhe në vitin 2014, ishte kryeminsiti me ish- ministrin Gjiknuri dhe Ahmetaj, qe prezentuan në Ballsh një investitor amerikan që do ti jepte fund problemit të Armos, por ja që skema e parë rezultoj mashtrim, sot ata naftëtarët që janë aty në revë urie, përgjegjës për ta është kryeministri, sepse ka qenë ai që ka garantuar besimin e naftëtarëve që ju të punoni këtu sepse kemi sjell investitor serioz, por ata jane ndryshuar disa herë nga qëvria , duke i lënë aftëtarët pa rroga dy vjet dhe i ka çuar në këtë pikë në sakrificë. Në këtë pikë e shoh me skepticizëm çdo gjë që ofron për Armon kryeministri”, tha Tomorri.
Përderisa gjërat erdhen deri në këtë, për gazetarin Tomorri, “zgjidhja”e vetme për kompaninë është falimentimi, sepse në të kundërtën situata do të përsëritet sërish në dëm të punëtorëve.
“Një kompani, një asset, e cila është vëmë në punë, dhe sa herë është vënë në punë ka përfunduar ose duke lënë punën ose duke lënë punonjësit pa rroga, zgjidhja do të ishte falimenti. Kjo kompani është lënë për të grabitur parat e njerzve, ndoshta do të vij dikush tjetër dhe do ti paguaj pagat dhe do të rifilloj cikli sërish.
Në çdo parafushatë elektorale, Armo ndizet, punon para fushatës disa muaj, dhe lihet aty ku është. Ajo nuk është rentabël për të rigjeneruar fitime.
Kompania duhet të çohet në falimentim, në të kundërtën do të kemi përsëritje të problemit”, u shpreh ai.
Në analizën e tij, gazetari Tomorri, është kundër heqjen së taksës së qarkullimit, sepse sipas tij, nëse do të mirrej një masë e tillë do ta vinte buxhetin në situatë serioze financiare, e për pasojë do të fillojmë të japim më pak para për spitalet dhe shkollat, edhe ashtu me nje buxhet të pakët.
