Një aksident me pasojë plagosjen e një personi ka ndodhur mesditën e sotme në Pogradec. Sipas informacioneve paraprake, në aksident janë përfshirë dy automjete.
Për pasojë, është plagosur pasagjeri i një prej mjeteve. Ky i fundit, ndodhet në spital ku po merr ndihmë mjekësore.
Identiteti i tij ende nuk bëhet me dije ndërsa gjendja e tij raportohet jashtë rrezikut për jetën.
Policia dhe Grupi Hetimor ndodhen në vendngjarje për të zbardhur shkaqet dhe rrethanat e aksidentit.
Njoftimi i Policisë:
Më datë 30.09.2020, rreth orës 13:00, në afërsi të fshatit Memëlisht, ka ndodhur një aksident në të cilin janë përfshirë mjeti tip “BMW” me drejtues shtetasin N. D., banues në Tiranë, me mjetin tip “Citroen” me drejtuese shtetasen E. T., ku për pasojë ka marrë dëmtime shtetasi L. T., pasagjer në mjetin tip “Citroen”, i cili u dërgua në Spital ku aktualisht ndodhet jashtë rrezikut për jetën.
Me shtetasin N. D., po kryhen veprimet e mëtejshme proceduriale. Grupi hetimor po punon për sqarimin e rrethanave dhe shkaqeve të aksidentit.
