Në mbledhjen e radhës së KED do të verifikohen kandidatët për një vend në Gjykatën Kushtetuese.
Pesë kandidatë janë në garë për vakancën në Gjykatën Kushtetuese të shpallur nga Presidenti Ilir Meta më 22 Nëntor 2019, pas shkarkimit nga vetingu të ish-anëtarit Besnik Muçi. Ata janë Sergjio Mazreku, Sinan Tafaj, Sonila Bejtja, Shaqir Hasanaj dhe Zhaklina Peto.
Të Hënën e 5 Tetorit, thirret mbledhja e radhës e Këshillit të Emërimeve në Drejtësi, ku në rendin e ditës do të jetë shqyrtimi i gjetjeve në procedurën e verifikimit të kandidatëve për vendin vakant si dhe vendimmarrja lidhur me lejimin apo ndalimin e kandidimit të tyre.
Gjykata Kushtetuese, që duhet të ketë nëntë anëtarë, vijon ende të mos jetë funksionale. Aktualisht, jane 4 anëtarë të Gjykatës Kushtetuese në detyrë, nga të cilët, njëra prej tyre, kryetarja ne detyrë Vitore Tusha, është me mandat të përfunduar.
