Ministria e Shëndetësisë deklaroi sot zbulimin e 140 rasteve të reja me Covid-19 në 24 orët e fundit nga 603 testime të kryera.
Ndërkohë 5 pacientë kanë humbur jetën po gjatë 24 orëve, dy prej të cilëve ishin në moshë të re dhe pa sëmundje bashkëshoqëruese.
Po si paraqitet gjendja në dy spitalet Covid, Infektivin dhe Shefqet Ndroqi?
Sipas Ministrisë së Shëndetësisë, në dy spitalet po trajtohen 124 pacientë të konfirmuar pozitivë me Covid-19, prej të cilëve 18 janë në terapi intensive dhe 4 prej tyre të intubuar.
Në spitalin Infektiv dhe “Shefqet Ndroqi”, përveç pacientëve të konfirmuar pozitivë me Covid-19, po vijojnë të marrin trajtim edhe pacientë të dyshuar, të cilët po trajtohen sipas protokolleve përkatëse.
Në total numri i personave që kanëhumbur jetën ka shkuar në 205, ndërkohë që pacientë aktivë me Covid-19 janë 2991.
Nga këto 1657 pacientë janë në Qarkun e Tiranës, ndërsa në Durrës janë 360 pacientë aktivë, referuar shifrave zyrtare.
