Domart Konjari i kërkuar për trafik ndërkombëtar të drogës dhe pjesëmarrjen në organizatë kriminale nga autoritetet franceze është lënë i lirë nga Gjykata e Apelit për Krimet e Rënda.
Konjari është i njohur gjithashtu si anëtar i bandës së rrugës “Bardhyl” dhe mik i Franc Konomit, i ekzekutuar në vitin 2010. (foto: Franc Konomi)
Gjykata vendosi masën e sigurisë “detyrim paraqitje” duke hedhur poshtë kërkesën e organit të akuzës për “arrest me burg”. Konjari u arrestua në pikën kufitare të Kapshticës në nëntor të vitit të shkuar, në përpjekje për të kaluar drejt shtetit grek.
Ai u paraqit me dokumente false, pasaportë biometrike me të dhëna të tjera dhe i ofroi policit në kufi një shumë prej 50 eurosh, por u identifikua nga shenjat e gishtave.
(Boldnews)
