“Arsenal është një ekip i vogël, nuk e fiton Premier League”

Heurelho Gomes e ka cilësuar Arsenal-in një ‘ekip të vogël’ dhe nuk i jep shanse për të fituar Premier League teksa ekipi i tij i Watford i mundi gjatë ditës së djeshme në FA Cup. Arsenal pësoi humbjen e 13-të në të gjitha kompeticionet gjatë këtij sezoni, tre më shumë se vitin e kaluar, me të paktën edhe 10 ndeshje të mbetura. Ish-portieri i Tottenham mendon se tifozët e “Topçinjve” duhet të presin akoma për titullin kampion. “Kur i sheh teksa luajnë kundër një ekipi të madh, ata duket shumë të vegjël,” thotë portieri i Watford. Për ESPN Brasil. “Arsenal të jep shumë hapësira, nuk është ekip i fortë në mbrojtje.” Megjithëse pësoi humbjen e tretë radhazi në “Emirates”, tekniku francez është tepër i inatosur me spekulimet mbi të ardhmen e tij duke i quajtur një ‘farsë’. “Skualifikimi nga FA Cup është i rëndë, por duhet të përqendrohemi te ndeshja tjetër. Nuk është hera e parë që humbasim një ndeshje. Do të mbetemi të bashkuar për të qenë të përgatitur për ndeshjet e mbetura të sezonit. Do të luftojmë deri në fund, ekipi ka besimin e duhur.