Në ‘Këndin e Kimit’, analisti Kim Mehmeti, ka analizuar në SYRI TV, ngjarjet më të fundit në Shqipëri.
Ai thotë se Shqipëria u bë vendi i parë ku të vdekurit jo vetëm që votojnë, por edhe arrestohen, dhe kjo falë SPAK-ut, prodhim i Reformës në Drejtësi.
-SPAK-u preu fletë-arreste edhe për dy të vdekur me çka Shqipëria u bë vendi i parë ku të vdekurit jo vetëm që votojnë, por edhe arrestohen?!
– Ne shqiptarët vonë do e kuptojmë se fuqitë e mëdha janë të atilla sepse eksperimentet e tyre te popujt e vegjël, janë të suksesshme edhe atëherë kur dështojne?!’
Reagimi i Kim Mehmetit erdhi pas një skandali që përfshiu SPAK lidhur me dosjen 339. Pak ditë më parë SPAK njoftoi mbi ekzekutimin e vendimeve të Gjykatës Speciale kundër një grupi komisionerësh në zonën e Shijakut lidhur me manipulimin e votave në 2017.
Në listë ishin komisionerë të PS, LSI, PD dhe PR. Por më pas u zbulua se dy nga emrat që SPAK kërkonte ti arrestonte kishin vdekur kohë më parë, madje edhe ishin çrregjistruar nga gjendja cvile. SPAK nuk ka reaguar zyrtarisht lidhur me këtë skandal, i cili ka prodhuar jo pak reagime.
