Ministrja e Shëndetësisë, Ogerta Manastirliu, përmes rrjeteve sociale, u ka bërë thirrje qytetarëve, që të mbajnë maska në ambientet e mbyllura, si pjesë e masave anti-Covid.
Madje Manastirliu ka publikuar edhe një spot, lidhur me mbajtjen e maskës. Por eksperti i shëndetit publik Erion Dasho ka reaguar ashpër, duke shkruar se spoti promocional që synon të edukojë qytetarët për mbajtjen e maskës, sërish promovon maskat me valvul.
“Para një jave ishte vetë Ministrja që mbante një maskë të tillë gjatë vizitës në QSUT “Nënë Tereza” duke u bërë objekt kritikash në media dhe rrjetet sociale.
Maska me valvul quhet ndryshe “maska egoiste” sepse mbron vetëm personin që e mban. Madje në shumë vende mbajtja e saj ndëshkohet me gjobë”, shkruan Dasho.
Reagimi nga Erion Dasho
NJË MINISTRE QË NUK MËSON!
Vazhdojnë gafat e administratës së Komitetit të Ekspertëve, që fatkeqësisht komprometojnë figurën e Ministres së Shëndetësisë.
Spoti promocional që synon të edukojë qytetarët për mbajtjen e maskës, sërish promovon maskat me valvul.
Para një jave ishte vetë Ministrja që mbante një maskë të tillë gjatë vizitës në QSUT “Nënë Tereza” duke u bërë objekt kritikash në media dhe rrjetet sociale.
PSE?
Maska me valvul quhet ndryshe “maska egoiste” sepse mbron vetëm personin që e mban.
AJO NUK REKOMANDOHET, MADJE NË SHUMË VENDE PËRDORIMI I SAJ NDËSHKOHET ME GJOBË NJËLLOJ SI NË RASTIN KUR PERSONI QË
E MBAN NUK KA MASKË!
Edhe njëherë duhet sqaruar se përdorimi i maskës bazohet tek parimi i solidaritetit. Maska mbron më pak personin që e vendos dhe më tepër personat rreth tij.
THËNË NDRYSHE: MASKA IME TË MBRON TY, MASKA JOTE MË MBRON MUA!
I LUTEM SËRISH PËR TË DISATËN HERË KOMITETIT TË EKSPERTËVE DHE MINISTRISË:
MENDOJINI MIRË MESAZHET QË.I JEPNI PUBLIKUT! MBI TË GJITHA, MOS JEPNI MESAZHE TË GABUARA!
NJË MESAZH I GABUAR DËMTON MË SHUMË SE NJË MESAZH I MUNGUAR!
