Një aksident ka ndodhur mesditën e sotme në afërsi të fshatit Kafaraj përgjatë autostradës Levan-Tepelenë.
Sipas policisë së Fierit, në aksident janë përfshirë dy automjete.
Nuk dihen ende shkaqet e aksidentit ndërkohë që të plagosurit nuk ndodhen në gjendje të rëndë për jetën.
Policia Fier/ Informacion paraprak
Sot rreth orës 14:30, në aksin rrugor Levan-Tepelenë, në fshatin Kafaraj, janë përplasur mjetet tip “Kamionçinë” me drejtues shtetasin A. J., 55 vjeç, banues në Vlorë me mjetin tip “Reno” me drejtues shtetasin Z. B., 57 vjeç, banues në Tiranë.
Si pasojë e përplasjes janë dëmtuar të dy drejtuesit e mjeteve dhe dy pasagjerë, shtetasit Sh. G., 58 vjeç, banues në Tiranë dhe A. J., 49 vjeçe.
Të katër të dëmtuarit ndodhen në Spitalin Rajonal Fier nën kujdesin e mjekëve.
Grupi hetimor ndodhet në vendngjarje dhe po punon për zbardhjen e shkakut të aksidentit.
