Partizani luan një ndeshje shumë të rëndësishme ditën e sotme ndaj Bylisit në transfertë, duke filluar nga ora 17:45.
Të kuqtë e drejtuar nga trajneri Adolfo Sormani, në pesë ndeshjet e mbetura, luajnë fatin e sezonit. Dihet tashmë që shpëtimi i vetëm ka mbetur sigurimi i pjesëmarrjes në Ligën e Europës, pasi nga beteja për trofe është dorëzuar me kohë.
Kundërshtarët e sotëm, Bylisi, ka rezultuar një “kockë e fortë” për të kuqtë në sezonet e fundit, pasi kanë qenë ballshiotët ata që edhe në të shkuarën u kanë prishur punë kur luftonin për titullin kampion. Gjatë këtij sezoni skuadrat janë përballur tre herë ku të kuqtë nuk kanë mundur të fitojnë asnjë takim.
Bylis: Hidi, Ntephe, Janku, Shkalla, Peposhi, Ujka, Mëllugja, Ndreca, Murataj, Sallaku, Malçi.
Partizani: Hoxha, Idrizaj, Bitri, Hakaj, Trashi, Broja, Telushi, Cordeiro, Çinari, Bardhi, Llanaj.
