Një 40-vjeçar nga Tirana u arrestua nga policia pasi ka shantazhuar një person duke i marrë rreth 57 mijë lekë të reja një qytetari, që e kishte shantazhaur më parë me video dhe foto.
Sipas policisë, 40-vjeçari ka qenë i dënuar më parë për veprën penale “Vjedhja me dhunë”. Ai rezulton i arrestua në vitin 2013 bashkë me një person tjetër, pasi akuzoheshin se kishin vjedhur disa banesa.
“Nga Seksioni për Krimet ndaj Pronës, në bashkëpunim me shërbimet e Komisariatit të Policisë Nr. 1, pas një pune të mirorganizuar u bë arrestimi në flagrancë i shtetasit M. D., 40 vjeç, banues në Tiranë, i dënuar me parë për veprën penale “Vjedhja me dhunë”.
Arrestimi i këtij shtetasi u bë pasi ka kanosur, me anë të shtrëngimit për dhënien e pasurisë, duke i marrë shumën 57.500 lekë, shtetasit G. B., për mospublikimin e disa fotove e videove në rrjetet sociale.
Materialet i kaluan Prokurorisë së Rrethit Gjyqësor Tiranë, për veprime të mëtejshme”, njofton policia.
