Sonte në mbrëmje ora 21:00, luhet finalja e Kupës së Italisë ndërmjet Napolit dhe Juventusit. Ndeshja luhet në Romë në stadiumin “Olimpico”, një sfidë që ka një rëndësi të madhe për të dy klubet.
Sarri kërkon që të sigurojë trofeun e parë si trajner i Juventusit, një mundësi të tillë ai e humbi në finalen e Superkupës së Italisë kundër Lazios, teksa sfida kundër Napolit e përball atë me të shkuarën e tij.
Qëllimi është i njëjtë edhe për Gattuson, që në rast suksesi do të fitonte trofeun e parë me napolitanët dhe në një farë mënyrë do të shpëtonte sezonin e skuadrës së tij.
Ky takim është shumë i rëndësishëm edhe për Cristiano Ronaldon, pasi Kupa e Italisë është një nga të rrallët trofe që CR7 nuk e ka vendosur ende “firmën” e tij. Në total kampioni portugez ka fituar 30 trofe me Manchester United, Real Madrid dhe Juventus, ndërsa sonte ai do të kërkojë të 31-tin duke pasuruar legjendën e tij në botën e futbollit.
