Gonzalo Higuain ka pësuar një dëmtim muskular gjatë seancës së sotme stërvitore të Juventusit.
Dëmtimin e argjentinasit e ka konfirmuar Juventusi, e cila përjashton një dëmtim të rëndë por me shumë gjasa do të mungojë në dy ndeshje e para të skuadrës kur Serie A të rifillojë.
“Gjatë seancës së sotme stërvitore, Gonzalo Higuain ka pësuar një tërheqje të muskujve në kofshën e tij të djathtë. Lojtari iu nënshtrua testeve paraprake ku përjashtohet një dëmtim afatgjatë. Gjendja e tij do të monitorohet në ditët në vazhdim”- thuhet në komunikatën e klubit.
Serie A do të rikthehet me datë 20 qershor, ndërsa Juventusi do të zbresë në fushë me datë 22 qershor, në transfertë përballë Bologna.
