Deputeti Lefter Maliqi tha se do të votojë pro marrëveshjes opozitë-maxhorancë për reformën zgjedhore, nëse ka një të tillë.
Në një intervistë në TvT me Nertil Agalliun, në emisionin “Në fokus”, Maliqi tha se do të votojë për një marrëveshje të tillë që arrihet me ndërmjetësinë e ndërkombëtarëve.
“Unë e kam thënë që mbetem për sistem me lista të hapura, madje edhe për maxhoritar të hapur. Por gjithsesi më vjen keq që partitë e mëdha nuk kërkojnë ndryshim sistemi.
Ka krizë mosbesimi te elektorati në bazë. Por nëse ka një marrëveshje politike mes opozitës dhe maxhorancës, nën ndikimin e faktorit ndërkombëtar, do të votoj këtë marrëveshje”, tha ai.
