Hetuesit britanikë që po hetojnë një vrasje të ndodhur rreth një vit më parë kanë publikuar fotot e dy personave që kërkohen në lidhje me vrasjen e Grineo Daka.
27 vjeçari banues në Stratford dhe me origjinë nga Shqipëria u qëllua për vdekje në Phoenix Snooker Club në Lea Bridge Road rreth orës 3 të mëngjesit më 7 korrik.
Ai vdiq në vendin e ngjarjes dhe një ekzaminim pas vdekjes më 9 korrik 2019, u zbulua se ishte qëlluar me një plumb të vetëm.
Policia është vënë në kërkim të Jeton Krasniqit, 26 vjeç, dhe Mirsad Brahimit, 33 vjeç, të dy banues në veri të Londrës, kur Grineo u vra.
Krasniqi ka lindur në Kosovë dhe ka lidhje të shumta me Hertfordshire.
Brahimi gjithashtu nga Kosova, është i njohur për lëvizjet e shpeshta në Londrën qendrore dhe perëndimore.
Një shpërblim prej 20,000 £ është vënë në dispozicion të atyre që çojnë në prangosjen e dy të rinjve.
Detektivi Ch Insp Mark Wrigley, i cili drejton hetimin, tha: “Ndërsa ky hetim ka bërë përparim të rëndësishëm dhe një person është në pritje të gjyqit për vrasjen, unë jam ende i interesuar të flas me dy personat e treguar në këto imazhe.
“Ne e kuptojmë që Grineo kishte shkuar në klubin snooker, ku ai u përfshi në një grindje me të tjerët dhe një numër të shtënash u qëlluan dhe si rezultat ai humbi jetën. Të tjerë u plagosën gjithashtu. Ne kemi nevojë që komuniteti të na mbështesë dhe të ndihmojë në sjelljen e atyre që janë përgjegjës para drejtësisë”. /Panorama/
