Një 17-vjeçar, që u bë i famshëm pasi krijoi aplikacionin për gjurmimin e personave të infektuar me koronavirus, ka tërhequr vëmendjen sërish.
Avi Shciffmann, një student nga Uashingtoni, refuzoi tetë milionë dollarë që ju ofruan në këmbim të ‘krijesës’ së tij.
“Unë jam vetëm 17 vjeç, nuk kam nevojë për tetë milionë dollar. Nuk dua të përfitoj. Shumë më thonë se do të pendohem për këtë vendim, por kam plane të tjera për të ardhmen”, tha ai.
Që kur faqja e tij u krijua, më shumë se 700 milionë përdorues e kanë vizituar atë. Dhe në vend që t’u besonte reklamave, Shifman ka preferuar të hapë një regjistrim vullnetar, me qëllim që të ruajë pavarësinë e tij.
