Erion Veliaj, është një specie e veçantë në politikën shqiptare. Ai gënjen edhe kur e di, se gënjeshtra është lehtësisht e verifikueshme, Pra, Veliaj nuk e merr fare mundimin, që të paktën gënjeshtra që thotë, të jetë më e vështirë për tu zbuluar, siç bëjnë një pjesë e kolegëve e tij.
Kështu, ditën e djeshme, natën vonë, kryebashkiaku ka publikuar disa fotografi nga punimet në Unazën e Madhe dhe thotë se këto punime, u penguan dy vite politikisht, duke akuzuar opozitën.
Postimi i Veliajt:
Por, me sa duket Erion Veliaj e ka “harruar” aferën me kompaninë fantazmë “DH Albania”, e cila po gllabëronte 30 milionë euro nga paratë e taksapaguesëve. Kompania mashtruese, të cilës ARRSH i akordoi lotin e parë të tenderit të Unazës, kishte falsifikuar firmën e Sekretarit të Shtetit të Delaware në SHBA, Jeffrey Bullock dhe bilancet e kompanisë, duke u hequr si firmë 20 vjecare, kur në fakt sapo ishte krijuar.
Deri më sot, askush nuk është përballur me drejtësinë për këtë aferë.
Jo vetëm kaq, por kryebashkiaku Veliaj, vonesën për shkak të aferës korruptive, ja faturon opozitës, a thua se ishin Lulzim Basha apo Monika Kryemadhi, personat që po i çonin paratë e shqiptarëve, në Delaware, në xhepat e një falsifikatori.
Tenderi i Unazës, u mbrojt publikisht nga institucionet shqiptare, madje, vetë kryeministri Edi Rama, pak përpara shpërthimit të skandalit nga emisioni “Të Paekspozuarit”, sulmoi opozitën dhe gazetarët Ylli Rakipi dhe Andi Bushati, duke dalë në mbrojtje të tenderit.
VIDEO:
Në 6 dhjetor të vitit 2018 emisioni “Të Paekspozuarit” i gazetarit Ylli Rakipi, zbuloi skandalin dhe detyroi qeverinë të pezullonte tenderin.
Për kompaninë nisën hetime, por prokuroria ngriti akuzë vetëm për sportelistin 26 vjecar, Avdjol Dobi, aktualisht në arrati. Asnjë zyrtar publik nuk u mor i pandehur për rastin.
Sot, Erion Veliaj, kur mendon se e ka lënë pas krahëve skandalin, as skuqet dhe as zverdhet, por gënjen qytetarët, duke thënë se projekti u vonua politikisht.
Për të gjithë ata që nuk e mbajnë mend aferën 30 milionë euro, me kompaninë fantazmë që falsifikoi firmën e Sekretarit të Shtetit të Delaware në SHBA, shihni videon e mëposhtme:
/TPZ.al/
