Nënkryetari i PD, Edi Paloka, ka akuzuar Qeverinë se se për shkak të Kongresit të Partisë Socialiste e shtyu deklarimin e rastit të parë me COVID-19 në Shqipëri.
Paloka tha se qeveria lejoi disa aktivitete masive derisa e zyrtarizoi rastin e parë në mars dhe ky sipas nënkryetarit të PD është krim që duhet të shihet dhe tek nenet që parashikojnë dënimet në Kodin Penal, ndoshta vrasje me dashje.
Në një intervistë për News 24, Paloka tha se PD i kërkoi që në mes të shkurtit mbylljen e kufirit me Italinë dhe nuk ndodhi. ”Kjo situatë është “one man show”, është një mashtrim sot i vërtetuar që rasti i parë që është regjistruar në Shqipëri është fshehur. Nga 28 shkurti deri më 9 mars kur u shfaq rasti i parë ka pasur disa aktivitete shumë masive.
Ishte Kongresi i PS që ishte edhe arsyeja pse Rama nuk mori masa. Interesa meskine. Po flas për zbulimin zyrtar. Një e zonjës Bino që pranoi se rasti i parë zyrtarisht është më 28 shkurt. Grafiku i ecurisë fillon më 28 shkurt.
Ishte mitingu i shpallur nga Presidenti që mblodhi qindra- mijëra vetë. U zhvilluan dhe derbi Tirona- Partizani. Ka pasur disa aktivitete masive ku rreziku ishte i madh. Qeveria e mbajti të fshehtë, ishte krim. Edhe ato ndryshimet që ka bërë tani Rama në Kodin Penal duhet parë në cilin nen hyn kjo, vrasje me dashje?!
Ne i kemi kërkuar qeverisë që në mesin e shkurtit të mbyllte lëvizjes me Italinë. Kanë ardhur mijëra e mijëra nga zonat e prekura që Italia i cilësonte zona të kuqe, Rama fliste për kalanë që nuk preket nga virusi.
Për fat të keq mendoj se kurba bëhet në bunkerin e Surrelit që ka ulje ngritje të çuditshme dhe bëhet se thotë Rama. Edhe ato që thotë vendimet me profesionistët bëhen nën tutelën e Ramës. Kjo kurbë në Shqipëri ndryshe nga vendet e tjera nuk kanë një kulm, një ulje por vjen me ulje ngritje dhe s’ka njëtrajtshmëri.
Po të bëheshin testime do kishte më shumë informacion dhe kurbë më normale. Ne kemi kërkuar testime, mbylljen e fasoneve. As njëra as tjetra nuk ka ndodhur”, tha Paloka.
