“Opozita, së bashku me faktorët e tjerë të shoqërisë, ka një detyrë, të ushtrojë presionin ndaj Qeverisë.
Duke respektuar ato masa që mbrojnë shëndetin e qytetarëve, të gjithë faktorët duhet të bashkohen dhe të detyrojnë këtë qeveri, që për fat të keq, po drejton vendin, të japë dorëheqjen dhe t´i hapë rrugën zgjedhjeve të lira dhe të ndershme”.
Deklarata është bërë nga kreu demokrat Lulzim Basha në një lidhje direkte me Abcnews. Basha tha se opozita ka vepruar njëlloj si opozitat europiane, duke bërë propozime konkrete për përballimin e kësaj situate.
Kreu demokrat nuk përjashtoi mundësinë e protestave kundër Qeverisë, duke ruajtur distancat sociale.
“Nuk përjashtohen protestat, por njerëzit në protest nuk i nxjerr opozita, sikundër nuk është opozita që i shpërndan protestat. Ne kemi mbështetur çdo protestë që i shërben vullnetit të qytetarëve.
Unë do të shpall axhendën e protestave bashkë me aleatët”, tha Basha.
Kreu demokrat tha se opozita ka bërë dhe do të bëjë protesta shumë të mëdha dhe qëllimi mbetet kthimi në normmalitet i shqiptarëve.
