Kanë nisur të dalin rezultatet e para të zgjedhjeve lokale të parakohëshme në qytetin e Dibrës. Mbi 57 mijë dibranë me të drejtë vote u thirrën për të marrë pjesë në zgjedhjet e pjesshme në Dibër për të zgjedhur të parin e qytetit të tyre mes dy kandidatëve, Muharrem Rama i ASHE, dhe Sherefedin Shehu i Aleancës për Punë dhe Dinjitet. Procesi filloi në orën 07:00 dhe u mbyll në orën 19:00.
Pas ndërprerjes së procesit të numërimit në orën 4 të mëngjesit ka rinisur sërisht në orën 10 e 45 të paraditës së sotme.
Votuesit e Bashkisë Dibër kanë zgjedhur sot mes Muharrem Ramës dhe Sherefedin Shehur se kush do t’i qeverisë për mandatin e lënë në mes nga ish -kryebashkiaku, Shukri Xhelili.
Procesi i numërimit të votave ka rinisur në orën 10 e 45 në KZAZ 19, kutitë e Peshkopisë.
Kandidati i ASHE, Muharrem Rama po shkon drejt fitores së zgjedhjeve për bashkinë e Dibrës, pasi udhëheq me një diferencë të madhe votash ndaj rivalit Sherefedin Shehu të Partisë Demokratike.
Deri tani ka përfunduar numërimi i votave për 113 kuti nga 118 në total. Sipas rezultateve të para, Muharrem Rama ndodhet në avantazh pasi ka marrë 17 827 vota përkundrejt rivalit të tij Sherefedin Shehu i cili ka siguruar vetëm 13 769 vota.
Që në kutinë e parë me numër 1097 në Njësinë Administrative Selishtë, Rama e nisi me këmbë të mbarë pasi arriti të merrte 85 vota përkundrejt kandidatit rival Sherefedin Shehu i cili morri 58 vota.
Njësia Administrative Selishtë:
Në total: 809 vota
– Muharrem Rama 423 vota
– Sherefedin Shehu 373 vota
– Të pavlefshme 23 vota
Njësia Administrative Luzni:
Në total: 1269 vota
– Muharrem Rama 826 vota
– Sherefedin Shehu 411 vota
– Të pavlefshme 32 vota
Njësia Administrative Hoteshiti
Në total: 133 vota
– Muharrem Rama 166 vota
– Sherefedin Shehu 67 vota
Njësia Administrative Maqellarë:
Në total: 5640 vota
– Muharrem Rama 3057 vota
– Sherefedin Shehu 2469 vota
Sa i përket Peshkopisë:
Në total: 3597 votues
Muharrem Rama: 2011 vota
Sherefedin Shehu: 1586 vota
Të pavlefshme: 74 vota
Vijon…
