Nga Boldnews.al
Zgjedhjet në Dibër nxorrën në pah një pjesëmarrje më të madhe të grave krahasuar me një vit më parë në 2015, ku u mbajtën zgjedhjet vendore në të gjithë Shqipërinë.
Duke iu referuar të dhënave të publikuar nga Komisioni Qëndror i Zgjedhjeve, në 2015 në total ishin 31 956 votues, ose rreth 57 % e zgjedhësve në listë. Nga këta votues, 14 408 ishin gra të cilat vendosën fatin se kush do të ishte në krye të Bashkisë së Dibrës.
Por 1 vit më pas, në 2016 situata ka ndryshuar. Të “eksituara”nga skandali i kryebashkiakut Shukri Xhelili ku ky i fundit i kërkoi një vajze favore seksuale në këmbim të një vendi pune, gratë zgjedhëse dolën masivisht për të votuar.
Kështu, sot kanë votuar në total 33 978 votues, pra rreth 60 % e zgjedhësve në listë. Në mesin e tyre, 15 959 ishin gra që vendosën të dalin me votime. E thënë ndryshe, gratë janë paracaktuese se kush do të jetë kryebashkiaku i ri i Dibrës pasi përbëjnë 58 % të votuesve në total.
Nëse e krahasojmë me 1 vit më parë, diferenca është goxha e madhe për një elektorat të vogël. Sot, 1551 gra votuan më tepër se në 2015 dhe kjo tregon se brenda kësaj gjinie nuk ka ndonjë mllef ndaj qeverisjes së majtë lokale dhe veprimeve të turpëshme të ish kryebashkiakut Shukri Xhelili.
Mund të duket e çuditëshme, por kandidati i majtë mund të sigurojë fitoren e zgjedhjeve nga gratë dibrane.
Rezultatet në 2015
Rezultatet në 2016
