Kreu demokrat Lulzim Basha ka përshëndetur vendimin e Bankës së Shqipërisë për pezullimin e pagesës së kredive nga individë dhe biznese për një periudhë 3 mujore.
Basha shprehet se kjo është një nga masat e propozuara nga PD.
“Është e domosdoshme në këtë situatë të jemi pranë qytetarëve, operatorëve ekonomikë e sidomos biznesit të vogël!”, shkruan Basha në rrjetet sociale.
Sipas tij, situata emergjente kërkon masa emergjente!
“Ftoj qeverinë që në këtë kohë krize të mos ketë asnjë kompleks të zbatimit të masave ekonomike dhe sociale të propozuara nga PD por të veprojë pa humbur kohë dhe të adoptojë këto masa për hir të të gjithë shqiptarëve. Koha nuk pret!”, shkruan Basha.
Banka e Shqipërisë bëri të njohur vendimin, i cili gjithashtu parashikon se nuk do të ketë sanksione shtesë ndaj kredimarrësve.
