Një ngjarje e rëndë ka ndodhur këtë mbrëmje në Fier. Sipas informacioneve paraprake, pas një konflikti çasti, një 35-vjeçar është plagosur me armë zjarri në këmbë.
Identiteti i tij ende nuk bëhet me dije por mësohet se është transportuar me ambulancë drejt spitalit për të marrë ndihmë mjekësore.
Gjendja e tij raportohet të jetë jashtë rrezikut për jetën. Burime për mediat bëjnë me dije se policia ka bërë të mundur identifikimin e autorit dhe po punon për kapjen e tij.
Njoftimi i policisë:
Fier
Informacion paraprak
Rreth orës 17:30, në lagjen “11 Janari”, pas një konflikti të çastit, është plagosur në këmbë me armë zjarri shtetasi M. Rr, 35 vjeç, banues në Fier, i cili ndodhet jashtë rrezikut për jetën në Spitalin Rajonal Fier.
Policia ka bërë të mundur identifikimin e autorit të dyshuar dhe po punon për kapjen e tij.
Grupi hetimor ndodhet në vendngjarje dhe po punon për zbardhjen e plotë të kësaj ngjarje.
