Një 31-vjeçar u arrestua nga policia e Vlorës pasi dhunoi bashkëshorten e tij. I arrestuari është shtetasi E. V, 31 vjeç, ndërsa bashkëshortja e tij ishte 19 vjeç. Policia arrestoi 31-vjeçarin me akuzën e dhunës fizike dhe psikologjike.
Ndërkohë, po në Vlorë u arrestua një 32-vjeçar , i cili drejtonte makinën në gjendje të dehur dhe me vete mbante një armë sportive pa leje.
Policia ka arrestuar në flagrancë shtetasin B.K., 32 vjeç, banues në Vlorë.
Ky shtetas u kap në Bulevardin “Ismail Qemali” Vlorë, duke drejtuar automjetin në gjendje të dehur.
Nga kontrolli i ushtruar në mjet, Policia ka gjetur një armë sportive pa lejen e organeve kompetente.
